1: ALIKIBA:
Mwimbaji staa wa bongofleva Alikiba hapa kwenye hii picha hapa chini anaonekana akiwa kwenye moja ya mabango ya kampeni ya kupingana na mauaji ya Tembo ambayo yalisambazwa sehemu mbalimbali Tanzania
2: BELLE 9
Mwimbaji mwingine staa wa bongofleva Belle 9 nae alitokea kwenye mabango ya kutangaza kampuni ya Owbaz inayohusika na ishu za ajira Tanzania
Belle 9 kwenye moja ya mabango yaliyotundikwa Dar es salaam.
3: FLAVIANA MATATA
Ni mwanamitindo Mtanzania ambaye kwa miaka ya karibuni amekua akiishi na kufanya kazi kwenye jiji la New York Marekani na amekua akisafiri kwenda kwenye miji na mataifa mbalimbali kutokana na kazi yake ya kuwa Mwanamitindo huku sura yake ikitokea pia kwenye matangazo ya TV na Mabango kwenye nchi za Hispania, Italy, Marekani na kwengine.
Flaviana Matata kwenye bango la PSPF Dar es salaam
Mabango yote hayo hapo juu ya Flaviana Matata ni ya dili la matangazo ya PSPF, haya hapa chini ni matangazo ambayo ameyafanya Flaviana Matata lakini yametundikwa kwenye nchi mbalimbali ambapo mwaka huu pia wa 2016 Johannesburg South Afrika ni moja ya miji sura yake ilionekana.
4: HAPPYNESS WATIMANYWA
Ni mshindi wa shindano la Miss Tanzania 2013 ambapo dili lake kwa mwaka 2016 ni tangazo la Royal Furnishers ambalo lilikua likitokea kwenye TV kubwa za barabarani Dar es salaam.
5: NAVY KENZO:
Navy Kenzo ni kundi la muziki linalofanya bongofleva ambapo mwaka huu lilikua na hit song inaitwa ‘kamatia chini‘ ambao wao walikula dili la tangazo la mtandao wa simu za mkononi AIRTEL, ni dili ambalo wanasema lilibadilisha maisha yao kwa kiwango kikubwa mpaka kuanza kujenga nyumba yao ya kisasa ya gorofa.
6: OMMY DIMPOZ:
Ni mwimbaji mwingine staa kutoka kwenye muziki wa bongofleva ambaye mwaka 2016 ameng’aa na single ya ‘kajiandae‘ akiwa na Alikiba, Dimpoz alikula shavu la kutokea kwenye bango la kampuni ya GSM inayotengeneza vitu mbalimbali zikiwemo Pikipiki, Magodoro na pia inamiliki Mall za GSM Dar es salaam.
Ommy Dimpoz kwenye bango Mtwara Tanzania.
7: SIMON MSUVA & ISIHAKA HASSAN
King’amuzi cha AZAM TV kilikua na picha za wachezaji wawili wa soka Tanzania ambao ni Simon Msuva wa Yanga na Isihaka Hassan ambaye ujazo wa jina lake umeongezeka mara dufu akiichezea Simba.
8: SUSAN LEWIS
Susan (Natasha Mamvi) ni miongoni mwa waigizaji maarufu wa Tanzania na ni mama wa mwigizaji maarufu wa Tanzania aitwae Monalisa, yeye mwaka huu wa 2016 alikula shavu la kutokea kwenye tangazo la kuinadi kampuni ya mawasiliano ya TIGO.
9: ROSE NDAUKA
Ni mwigizaji mwingine mwenye mvuto kutokea kiwanda cha Bongo Movie Tanzania, dili alilolipata la tangazo mwaka huu ni la GEPF na ni miongoni mwa mabango yaliyotundikwa kwa miezi kwenye kona za Dar es salaam.
10: JOKATE MWEGELO
Jokate ni mrembo Mtanzania ambaye mwaka 2016 ulikua mwaka wa kazi zaidi kwake, hakutaka kutokea kwenye mahojiano sana wala kuendekeza vitu vingine zaidi ya kupiga kazi kwenye kampuni yake ya KIDOTI inayotengeneza bidhaa mbalimbali kama Mabegi na Nywele za Wanawake.
Nilimuona Jokate kwenye bango la king’amuzi cha STAR TIMES Zanzibar akiwa na mrembo wa Kenya Sarah Hassan
11: HERIETH PAUL
Herieth ni binti Mtanzania mwenye umri wa miaka 20 na kazi yake ni Mwanamitindo ambae December 2016 alikula dili la kutokea kwenye onyesho la mavazi la VICTORIA’S SECRET likiwa ni dili lililomlipa zaidi ya BILIONI 1 za Kitanzania.
Anaishi na kufanya kazi New York Marekani na amekua akitokea kwenye mabango mbalimbali ya kibiashara, kwa mwaka huu ametokea pia kwenye mabango ya MAYBELLINE huko Marekani baada ya kuteuliwa kuwa balozi kwenye brand hii kubwa ya kutengeneza vipodozi vya Wanawake.
12: JOTI
Mwigizaji/Mchekeshaji Joti mwaka 2016 umeendelea kuwa mwaka mwingine mzuri kwake kwa kuendelea kutokea kwenye mabango ya matangazo na amekula dili 3 kubwa ambazo ni kampuni ya Tigo, DSTV na GSM na anashikilia rekodi ya kuwa staa wa pili aliyetokea kwenye dili kubwa za matangazo ya kampuni za Tanzania 2016.
13: HASHEEM THABEET
Mcheza kikapu Mtanzania Hasheem Thabeet ni miongoni mwa waliotokea kwenye mabango ya barabarani mpaka Airport kwenye kampeni ya kupinga mauaji ya Tembo.
14: DIAMOND PLATNUMZ
Mwimbaji staa wa bongofleva Diamond Platnumz na Joti ndio mastaa wa Tanzania walioongoza mwaka 2016 kwa kutokea kwenye matangazo ya kibiashara ya kampuni zaidi ya moja ambapo Diamond alitokea kwenye matangazo ya mtandao namba moja wa mawasiliano Tanzania Vodacom, DSTV na RED GOLD TOMATO.
