Kijana muuza nguo ambaye kwa sasa ndiye ana mahusiano ya kimapenzi na nyota wa bongo fleva na bongo movie, Shilole, amefunguka kuhusu mahusiano yao huku akiweka wazi kuwa hataki kusikia chochote kuhusu Shilole kwa kuwa yaliyopita yamepita
Shilole ni moja wa wasanii wa Bongo Fleva wasioishiwa vituko katika swala la mapenzi na aliwahi kuwa na mahusiano na wasanii kama Barnaba, Nuh Mziwanda na Hamdai. na sasa yuko na kijana huyo anayefahamika kwa jina la Adam.
Adam, kama ilivyowahi kuwa kwa Nuh Mziwanda naye amechora tattoo yenye jina la Shilole mwilini mwake.
eNewz ilizungumza na Adam kutaka kujua kuwa watoto wa Shilole wanamuitaje na vipi kuhusu mahusiano yao ambapo alisema kuwa haangalii alipotoka bali anaangalia hapo alipo kwa sasa na anamuomba sana Mungu ili waweze kuwa pamoja hadi huko baadaye na anaamini kuwa kwake kapata na kikubwa anamuomba tu Mungu
“Mimi sijafuata boost kwa Shilole bali nimefuata mapenzi na mimi naweza kusema kuwa hayo ya nyuma siyaangalii bali naangalia hapa tulipo kwa sasa na mimi kuchora tattoo ni moyo wangu tu umetaka mimi kufanya hivi na ninachomuomba Mungu ni kufika mbali tu na yeye basi” Amesema Adam
