Granit Xhaka jana alifunga goli lake la kwanza tangu ajiunge na Arsenal akitokea Borussia Mönchengladbach.
Alifunga goli hilo kwa shuti kali kutoka nje ya 18 na kuchangia ushindi wa magoli 4-1 ambao Arsenal iliupata dhidi ya wenyeji Hull City kwenye mchezo wa Ligi Kuu England.
Baada ya kufunga goli hilo, Xhaka alionesha kitu kama ishara ya kufunga mdomo hali iliyozua maswali mengi kwa watu mbalimbali kwamba alimaanisha nini kwa kufanya vile.
Wengine walikuwa wakihisi alikuwa akimuoneshea Wenger kutokana na kumuanzisha benchi mara kwa mara, huku wengine wakihisi anaashiria juu ya masuala ya tofauti za kisiasa yanayotokea nchini mwao Uswisi.
Taarifa mbalimbali kutoka vyanzo vya ndani, ishara ya ushangiliaji wa Xhaka baada ya kufunga goli goli unahusisha masuala ya kisiasa nchini mwao.
Mchezaji huyo kwa sasa anakabiliana na ubaguzi wa kisiasa nchini mwao na ishara hiyo imeashiria kuwafunga midomo wale wanaomletea chokochoko.
