Kaimu Katibu Mkuu wa Klabu ya Simba, Salum Abdallah a,esema kuwa mchakato wa kuzikomboa nyasi za timu hiyo zilizokwama bandarini utakamilika mwezi huu, na mwezi ujao wataanza mchakato wa ujenzi wa uwanja wao hususan katika eneo la kuchezea (pitch).
Salum alisema kuwa uongozi wa Simba unafanya utaratibu wa kuwasafirisha mashabiki wake kwenda kushuhudia mechi nchini Misri, ambapo tayari wameshaanza mazungumzo na uongozi wa ndege yenye uwezo wa kubeba watu 98.
Aidha alisema kuwa wanaanza mchakato wa uhakiki wa wanachama ikiwa ni maandalizi ya uchaguzi wa viongozi utakaofanyika mwezi Mei Mwaka huu.
Vilevile alisema kuwa katika uhakiki wa wanachama Simba itaanza mchakato wa kadi mpya amapo wanachama ambao hawatalipia watafutwa uanachama.
