Kwa mujibu wa taarifa za kijeshi, mashambulizi hayo yalitekelezwa usiku wa kuamkia Jumamosi na kuhusisha ndege za kivita za Israeli Air Force. Operesheni hiyo inaelezwa kuwa sehemu ya mkakati wa Israel wa kukabiliana na vitisho vya kijeshi vinavyodaiwa kutoka Iran.
Maafisa wa Iran wamesema hakuna makamanda wa juu wa kijeshi waliouawa katika tukio hilo, ingawa walikiri kuwa baadhi ya miundombinu ilipata uharibifu.
Ushiriki wa moja kwa moja wa kamanda mkuu wa jeshi la anga katika operesheni ya kivita umeibua mjadala mkubwa kuhusu kiwango cha ushiriki wa viongozi wa juu wa kijeshi katika mashambulizi ya moja kwa moja ya anga.
Wachambuzi wa masuala ya usalama wanasema hatua hiyo inaweza kuashiria kuongezeka kwa mvutano kati ya Israel na Iran, mataifa mawili ambayo yamekuwa na uhasama wa muda mrefu, hasa kuhusu masuala ya ushawishi wa kikanda na mpango wa nyuklia wa Iran.
Kwa sasa, hali ya tahadhari inaendelea kuongezeka katika eneo la Mashariki ya Kati huku jumuiya ya kimataifa ikifuatilia kwa karibu maendeleo ya mgogoro huo.
