Marcus Rashford ni mmoja kati ya wachezaji kipenzi cha mashabiki wa Manchester United.Umri wake na kiwango chake vinamfanya azidi kupendwa na mashabiki wa United.Hata kocha wake wa sasa Jose Mourinho anaamini Rashford atakuwa mfungaji namba moja Manchester United na pengine kuipita rekodi ya Wayne Rooney ya ufungaji wa mida wote klabuni hapo.
Kocha wa zamani wa Manchester United Sir Alex Ferguson ana mtazamo tofauti kuhusu Marcus Rashford.Ferguson ndio kocha aliyepata mafanikio makubwa zaidi Man United haamini kwamba Rashford anaweza kufikia rekodi ya Rooney na ana mashaka kuhusu hilo.
Alisema “wakati Rooney anaanza kufunga sikuamini kwamba kuna mchezaji yoyote anaweza kufikia rekodi ya Sir Boby Charton lakini amefanya hivyo”.Ferguson ndiye aliyemleta Rooney kutoka Everton akiwa na miaka 18,Ferguson anaona kwa idadi mechi Rooney alizocheza na magoli aliyoifungia Manchester United vinaifanya rekodi yake iwe ya kuvutia zaidi.
Kuhusu Marcus Rashford,Ferguson anaamini kwamba Rashford anajua kufunga na kama Rooney naye ameanza kufunga akiwa na umri mdogo.Lakini hofu ya Ferguson ni kuhusu muda ambao Rashford ataitumikia Manchester United
“Katika dunia ya sasa wachezaji hawatulii katika timu moja,unaweza kuona Manchester United ni moja kati ya timu katika soka la sasa inayokaa na mchezaji kwa miaka 10”.Ferguson anajiona mwenye bahati kuweza kukaa na wachezaji kwa muda mrefu lakini haamini kama wachezaji wa sasa wanaweza kaa katika timu moja kama alivyofanya Wayne Rooney.
Ferguson anaona ni ngumu kwa kinda Marcus Rashford kuifikia rekodi ya Rooney “itambidi afungeagoli zaidi ya 20 kila msimu kwa misimu 10,sasa unategemea atafikisha misimu 10 akiwa Manchester United kwa dunia ya sasa hakuna mwenye uhakika kuhusu hilo.
Rooney goli alilofunga dhidi ya Stoke City lilikuwa goli lake la 250 akiivunja rekodi iliyodumu kwa miaa 44 klabuni hapo iliyowekwa na Sir Boby Charton ambae alifunga magoli 249.Kimahesabu Rashford akifunga magoli 20 kila msimu yatakuwa 200 kwa misimu 10 huku hayo 50 yaliyobaki akiongeza kwa kila msimu na Ferguson ana mashaka kwa Rashford kufanya hivyo.
