Manchester United iko nafasi ya sita ya msimamo wa ligi kuu Uingereza.Kiwango chao kinaonekana kuzidi kupanda siku hadi siku.Wakati Jose Mourinho anaichukua United alikuwa kwenye presha kubwa kutokana na kiwango cha timu na pia matukio yake ya kugombana na waamuzi kila kukicha.
Usajili wa Pogba nao ulikuwa kati ya mambo yaliyokuwa yakimuweka Mourinho katika presha kubwa.Lakini sasa mambo yamebadilika Mourinho amepambana na timu inaonekana kuanza kuelewana hali iliyopelekea mashabiki wengi wa United kuanza kumuelewa Mreno huyo.
Sir Alex Ferguson amesema yake kuhusu Mourinho,Ferguson anaamini Mourinho anairudisha Manchester United katika njia sahihi.Toka kuondoka kwa Ferguson Man United wamekuwa wakihangaika kupata kocha mbadala wake.
United ni timu kubwa inayohitaji makombe kila kukicha baada ya Ferguson kuondoka walimleta kocha wa zamani wa Everton David Moyes kuwa kocha mkuu United akavurunda.Wakahamia kwa Mdachi Luis Van Gaal naye akavurunda.
Baada ya Mourinho kutimuliwa toka Chelsea Manchester United waliona ndio muda sahihi kwao kumleta Old Trafford.Ferguson anasema “nadhani atakuwa mtu sahihi,kuna kipindi alionekana kupata tabu kuhimili mihemko ya hasira lakini unaweza kumuona jinsi alivyo mtulivu kwa sasa”.Hasira za Mourinho zilikuwa wazi wazi msimu huu na alishafungiwa mechi zaidi ya mara mbili.
Chini ya Mourinho hadi sasa Manchester United wamecheza mechi saba bila kufungwa.”Uliona wakati wa mchezo wao na Stoke City hawakupata ushindi lakini walimpatia Rooney zawadi ya rekodi ya ufungaji,lakini baada ya goli lile uliona Wayne akishangilia?hapana,aliwaambia wachezaji wenzake wachukue mpira warudi uwanjani,hivyo ndio Mourinho anavyowajenga wachezaji wake.”
Ferguson amechukua makombe 13 ya Premier League na Manchester United na anaona kama sio hizi suluhu United wanazopata baasi wangekuwa wanashindana na Chelsea katika mbio za ubingwa.Toka Fergie astaafu United imechukua kombe moja tu ambalo ni FA na kesho watakutana na Hull City katika nusu fainali ya kombe la EFL.
