Wafanyakazi wa kampuni ya Uhuru Publications wameichongea bodi ya wakurugenzi wa kampuni hiyo kwa Mwenyekiti wa CCM, Rais John Magufuli kuhusu uuzwaji kinyemela wa mtambo wao wa kuchapisha magazeti.
Hayo yamebainishwa leo na wafanyakazi hao baada ya Rais Magufuli kuwatembelea na kusikiliza matatizo yao na changamoto wanazokumbana nazo.
"Mmesema mtambo wenu umeuzwa kama chuma chakavu kwa Sh 6 milioni alafu na mnatumia Sh 52 milioni kuchapisha magazeti kwa mwezi, kwani mtambo wenu ulikuwa umeharibika sana kiasi kwamba ulishindikana kutengeneza mkaokoa kiasi hichi cha fedha," alisema Rais Magufuli.
Mtambo huo wa kuchapisha magazeti ulinunuliwa kwa Sh 200milioni kutoka Bulgaria na ulisitisha huduma ya kuchapisha magazeti hayo tangu 2012 ambapo kwa sasa kampuni hiyo inachapisha katika mtambo wa Jamana kwa Sh 52 milioni kwa mwezi.
