Timu ya taifa ya vijana chini ya miaka 17 ‘Serengeti Boys’ imeondoka leo jijini Dar es Salaam kuelekea Seychelles kwa ajili ya mchezo wao wa marudio unaotarajiwa kuchezwa Julai 2.
Kikosi cha Serengeti Boys kinatarajiwa kuwasili Seychelles majira ya saa 9 alasiri huku mchezo wao ukitarajiwa kuchezwa saa 10:00 kwa saa huko.
Kwenye mchezo wa awali uliochezwa kwenye uwanja wa taifa, Serengeti Boys walipata ushindi wa magoli 3-0 hivyo wanahitaji ushindi au sare yeyote ili kufuzu kwa raundi inayofuata.
