GUINEA
Serikali ya Guinea Conakry imeanzisha elimu maalum kwa raia inayohusu namna ya kujikinga dhidi ya ugonjwa wa Ebola,ambao umerejea tena nchini humo ambapo mpaka sasa watu watano wameshafariki dunia na wagonjwa kadhaa wamelazwa mahospitalini ikiwa ni miezi michache tu baada ya nchi hiyo kutangaza kuutokomeza ugonjwa huo hatari.
Kuzuka kwa ugonjwa huo tena nchini humo kumesababisha biashara katika soko kuu la mji mkuu liitwalo Madina kudorora mauzo yake ambapo wafanyabiashara wanasema hali ikiendelea hivyo kuna hatari wakashindwa kumudu maisha kwani awali walikuwa kila siku wanaondoka na faida kubwa.
Mratibu wa ugonjwa huo kitaifa,Fode Tass Silla amekiri kufanyika kwa uzembe katika kufuatilia na kuangalia namna watu wanavyosafiri kwenda nje ya nchi na wageni wanaokuja hali iliyosababisha kurejea tena kwa ugonjwa huo nchni humo.
