KENYA: Wazir Benson Chacha, amekamatwa na Polisi kwa kujifanya Mwakilishi kutoka Kaunti ya Murang’a (Sabina Chege) na kujipatia fedha kwa njia ya uongo kutoka kwa viongozi mbalimbali wakiwemo Wabunge, Magavana na Mseneta.
Inadaiwa kuwa, mtuhumiwa huyo amekuwa na uhusiano wa kimapenzi na wabunge 13 pamoja na wanawake wengine. Aidha, anatuhumiwa kuweka mitandaoni picha za utupu za wanawake.
Alikamatwa akiwa katika nyumba ya kulala wageni ya PKM Inn Tarime, Mara ambapo alikuwa akijiandaa kwenda Dar es Salaam na kisha #Zanzibar ambapo angekuwa akiishi.
Mtuhumiwa huyo alikutwa na kadi za simu ambazo alikuwa akitumia kuwasiliana na watu ambapo nyingine zilikuwa zimesajiliwa kwa jina la Sabina Chege.
Polisi nchini Kenya wamesema kuwa, alikodi hoteli #Zanzibar na kulipa TZS 14.5 milioni ambapo alitarajia kukaa kwa takribani mwaka mzima akitumia jina la Jamal Hussein Mwita.
