Ofisi za Kampuni ya Sahara Media Group inayomiliki vituo vya Star Tv, Radio Free Africa (RFA) na Kiss FM zimefungwa na Mamlaka ya Mapato Tanzania (TRA) kufuatia kudaiwa malimbikizo ya Tsh 4.5 bilioni.
Ofisi hizo zimefungwa leo Alhamisi (Julai 13) na wakala wa TRA, kupitia Kampuni ya udalali ya Sukah Auction Mart and Court Brokers ya jijini Mwanza.
Meneja Utumishi na Utawala wa Sahara Media Group, Raphael Shilatu amethibitisha kuwa ni kweli ofisi hizo zimefungwa sababu wan malimbikizo ya madeni yanayotokana na kuhama kutoka mfumo wa analojia kwenda dijitali.
