Wakati michuano ya Wimbledon kwa mwaka 2017 inaelekea kuanza, mcheza tennis maarufu dunian Rodger Federer ametawaliwa na uoga akiwafikiria baadhi ya manguli wenzake.
Federer amekiri kwamba yuko tayari kupambana kubeba Wimblendon safari hii lakini Murray,Djokovick na Rafael Nadal wanamuumiza sana kichwa.
Murray ndio bingwa mtetezi wa michuano hiyo ya Wimbledon lakini kwa sasa anasumbuliwa na majeruhi lakini hiyo bado inamtia wasiwasi Federer itakuwaje kama Murray atapona.
“Kama majeruhi yake yatakuwa yamepona kwa 100% au karibia na 100% itakuwa michuano migumu sana kupambana naye na atakuwa kati ya watakaopewa nafasi kushinda” alisema Federer.
“Kuhusu hao wengine (Novak Djokovick na Rafael Nadal) hao nao ni wapinzani wakubwa sana kwangu na hakika watatoa upinzani mkubwa sana kwangu” alisema Roger Federer.
Novak Djokovick ni mshindi mara 3 wa michuano hiyo, Murray naye anaingia kwenye michuano hiyo akiwa hana ushindi wowote mwaka huu huku Nadal akiwa anarejea katika michuano hiyo kwa mara nyingine baada ya kuikosa mwaka jana.
