Kocha msaidizi wa klabu ya Simba Jackson Mayanja amezungumza kutoka jijini Mbeya na kusema kuwa, wao kama Simba wanaangalia mbele zaidi ili kufikia malengo ya wanachama huku lengo lao likiwa ni kuibuka na ushindi kwenye mchezo wao dhidi ya Prisons na kuendelea kuongoza ligi hadi raundi ya kwanza inapomalizika.
Simba itashuka kwenye uwanja wa Sokoine, Mbeya kutafuta pointi tatu nyingine dhidi ya maafande wa Jeshi la Magereza huku timu zote mbili zikiwa na kumbukumbu ya kupoteza mechi zao zilizopita. Jumapili iliyopita Simba ilifungwa na African Lyon kwa mara ya kwanza tangu kuanza kwa msimu huu wakati Tanzania Prisons wao walipoteza mchezo wao wa nyumbani dhidi ya Yanga.
“Sisi tunaangalia mbele hatuangalii nyuma, tunataka kuona tunapata ushindi kwenye mechi ya mwisho ya mzunguko wa kwanza ili tubaki kwenye nasafi ya kwanza kwenye ligi.”
“Mashabiki wasikate tama waendelee kuishangilia timu yao Simba ni timu yao wasikate tama kwa kupoteza mchezo huu.”
“Mwaka huu tunaomba Mungu tuweze kufikia malengo ya wanachama kwasababu wanachama wanamuda mrefu hawajaona kombe.”
