SIMBA YAINGIA MAFICHONI KUITEKETEZA YANGA OKTOBA MOSI

Klabu ya Simba imeamua kuingia mafichoni kujiandaa kwa ajili ya mchezo wa ligi Kuu Tanzania Bara dhidi ya mahasimu wao wakuu katika soka la Tanzania, Yanga SC.
Mchezo huo wa mzunguko wa saba unatarajiwa kupigwa siku ya Jumamosi Oktoba Mosi mwaka huu, katika dimba la Taifa Dar es Salaam, ambapo Simba imepania kulipa kisasi cha kufungwa na Yanga katika michezo yote miwili ya msimu uliopita.
Meneja wa klabu hiyo Musa Hassan ‘Mgosi’ amesema maandalizi ya kuchukua point tatu katika mchezo huo yameanza na timu tayari ipo kambini ila mahali ambapo klabu ya simba ipo hiyo ni jukumu lao Siri yao Simba.
“Jambo la muhimu ni kwamba watu wajue kuwa timu iko kambini inajiandaa, lakini kujua kambi hiyo iko wapi, siyo muhimu kwa sasa, na tusingependa kuiweka kambi wazi, kama kuna watu wanasema Zanzibar, acha wajue Zanziba, kama Morogoro acha iwe hivyo, lakini sisi tunajua tuko wapitension katika mechi hizi mara nyingi huwa ipo kwa mashabiki na viongozi, lakini kwa wachezaji na benchi la ufundi hakuna hofu yoyote” Alisema Mgosi